الرئيسية / نبض الموظف / سؤال لمتفدم للتدرج الوظيفي ؟؟ + ردود الموظفين
RaisingEnergy_ar_20

سؤال لمتفدم للتدرج الوظيفي ؟؟ + ردود الموظفين

عبدالعزيز بن محمد

السلام عليكم ورحمة الله وبركاته

دخل في الموضوع علطول, انا واعوذ بالله من كلمة انا, عاطل لي سنة وجتني فرصة اني ادخل شركة الكهرباء, وانا ما اعرف عنها شي لا رواتب ولا بدلات ولا مميزات ولاشي, تكفون افيدوني عن الرواتب والبدلات و عن كل شي يخص الشركة و علموني وش هي ايجابيات وسلبيات الشركة, لان قريت كثير في منتديات غير ذا ومعد ادري وش الصح انتم موظفين بالشركة وادرا بالشركة اكثر من اللي يتفلسفون, شهادتي ثانويه عامه, بالتدرج الوظيفي و لا كيف نظام التوظيف, ابي شرح مفصل عن الشركة و التخصصات, اخاف ادخل وانكب و يروح عمري ع الفاضي, لحد يبخل علي باي معلومه..

تكفون ثم تكفون انكم تعلموني الفرصه جت وخايف تروح واندم

ــــــــــــــــــــــــــــــــــــــــــــ

أبو جود
شرح بالتفصيل صعب جدا

الشركة فيها ثلاث قطاعات إذا صح التعبير

توليد ، نقل ، توزيع

كل قطاع فيه تخصصات كثيرة

التعب والكرف في قطاع التوليد

الراحه + الدورات في قطاع النقل

من الإيجابيات تعيينك بنسبة 90% في منطقتك

التخصصات في دوام صباح ثاتب وفي شفتات مثل التشغيل

الراحه في العمل تختلف من منطقة إلى أخرى يعني إذا أحد قال لك التخصص الفلاني راحه ممكن صحيح علشانه في محافظة صغيره لكن إذا كان في مدينة مثل الرياض يطلع تخصص كرف

يعني أنت ورزقك المقسوم لك

بالنسبة للبدلات أغلب الفنيين قريبين لبعض لكن تختلف بعض المناطق عن اخرى مثل بدل نائي

في تخصصات إدارية مريحة لكن بدلاتها قليلة

أخوي إذا قبلوك بالكهرباء أنت محظوظ .. الله يوفقك ويرزقك بالحلال

 

 

__________________

تمرد

 

حاليا الفني اللي يتخرج من المعهد
الراتب الاساسي : ٤٨٠٠ تقريبا
بدل السكن : ١٦٦٦
بدل النقل : ٥٠٠
بدل طبيعة عمل : ٢٠ في الميه من الراتب الاساسي
اذا كانك تشتغل في الطواري او التشغيل بدل اسمه بدل شفت : ١٥ في الميه من الراتب الاساسي

جد واحتهد وتوكل ع الله وتلقى مايسرك
وبالتوفيق

شاهد أيضاً

الاداره

الإدارة تولد في الأرحام .. ولا تصنع بالأوهام

حياتنا كلها إدارة ، انت مدير لنفسك ، مدير لأسرتك ، مدير في عملك ، …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *